سەرەتا / به‌شێن مالپه‌ری / نوچه‌ / ل ئۆکرانیا خواندەکارەکێ کورد ژیانا خۆ ژ دەستدایە و داخازا دهەوارچوونێ دکەن

ل ئۆکرانیا خواندەکارەکێ کورد ژیانا خۆ ژ دەستدایە و داخازا دهەوارچوونێ دکەن

خواندەکارەکێ کورد ل ئۆکرانیا ڕاگەهاند، هەیا نها خواندەکارەکێ کورد ژیانا خۆ ژ دەستدایە و ئێکی دی ژی برینداربوویە، ئەو د ڕەوشەکا خرابدا دژین و ڕەوشا ئۆکرانیا گەلەک ئالۆزە و پێتڤی دهەوارچوونێ نە، دبێژیت ژی، “بالیۆزخانەیا عێراقێ گوتیە مە ل جهەکێ خۆ ڤەشێرن و ئەوان چ پێ چێنابیت”.

ئەڤرۆ دووشەمبێ، دەنگێ ئەمریکا دەقێ داخویانیا ئارا حاجی خواندەکارا کورد ل ئۆکرانیا بەلاڤکریە کو ب رێیا نامەیەکا دەنگی بەرسڤا پرسان دایە و تێدا هاتیە، “دڤێ ڕەوشێ دا وەلاتیێن کورد بۆ هاریکاریێ پەیوەندی ب بالیۆزخانەیا عێراقێ ل ئۆکرانیا کرن لێ کوردێن بالیۆزخانەیێ ب وان گوتیە ل جهێ خۆ ڤەشێرن وان چ پێ چێنابیت”.

ئاماژە ب وێیەکێ ژی کر، ڕەوشا وەلاتیێن کورد و عێراقی و خواندەکاران، هەتا ڕەوشا ئۆکرانیان و بیانیان ژی خرابە، ژبەرکو ئالۆزیەکت مەزن هەیە، سوپایێ ئۆکرانیا شەڕێ پارتیزانی دکەت و زێدەتری سێ هزار و ٥٠٠ سەربازێن روسی کوشتینە، ژبلی زیانێن گەهاندینە بالەفڕ و تانکێن وان.

دبێژیت ژی، “ڕەوشا خواندەکارێن کورد یێن ل ئۆکرانیا ژی خرابە ژبەرکو ئەوێ شیایی بەرەڤ سنوران چوویە یان ژی دەربازی وەلاتێن دی بوویە، ئەز نها لسنورێ پۆلەندا مە و لڤێرە ژی گەلەک سارە”.

دەربارەی وێیەکێ ئەرێ حکومەتا عێراق و هەرێمێ چ بوو هەوەکریە ژبوی پاراستنا گیانێ وەلاتیێن خۆ؟ ئارا حاجی عەبدولا دیارژیکر، “حکومەتا عێراق و حکومەتا هەرێمێ ژی ژ گەنجێن خۆ بێزارن دخوازن د ئاڤا ئیجەدا بخەندقن، چاڤەرێ وێیەکێ ناکەن ئەوێن هاتینە ئۆکرانیا فێری زانستی ببن و باوەرنامەیێن بلند بدەستڤە بینن هەتا چ بۆ مە بکەن، چ تشت بۆ مە نەکرینە”.

دەربارەی وێیەکێ بوچی بەریا شەری ئەو وەلاتە بجی مەهێلایە، ئارا دبێژیت، بەریا دەستپێکرنا شەڕی ب رۆژەکێ دەوام ئاسای بوو زانکۆ ڤەکری بوون، ژیان ئاسای بوو، ئەو دەنگویێن دەستپێکرنا شەڕی بتنێ وەکی پرۆپاگەندە دهاتن دیتن، ژبەرکو بەردەوام ئەو ئاریشەیە دناڤبەرا روسیا و ئۆکرانیا دا هەبوون، ئەوێ بەریا نها پێرا گەهشتی ب بالەفڕێ هاتیە ڤە و ئەوێ نەگەهشتی ژی چ دەستهەلاتەک نینە.

دیارژیکر، “هەتا نها ئەوا ئەز ئاگەهدار خواندەکارەکێ کورد ژیانا خۆ ژ دەستدایە و خواندەکارەکێ دی ژی پیێ وی برینداربوویە کو هەردوو ژی خەلکێ هەرێمێ نە”.

ئەڤە ژی ددەمەکیدایە، ئارتێشا روسیا بۆ دەمێ چار رۆژانە هێرشا سەربازی دەستپێکری بۆ سەر ئۆکرانیا، ب سەدان وەلاتیێن ئۆکرانیا هاتن کوشتن و برینداربوون و ب سەدان سەرباز ژی ژ ئارتێشێن هەردوو وەلاتان بووینە قوربانی و هەردوو ئالی ئامارێن جۆدا بەلاڤ دکەن.

دەربارە أ.ن

Check Also

سەرۆککومارێ تورکیا: ل هەیڤا بهێت دێ دەست ب ئاڤاکرنا ٣٠ هزار مالان کەین

رەجەب تەیب ئەردوغان، سەرۆککومارێ ترکیا د داخویانییەکێ دا دیارکر ئاڤاهیێن د ئەردهەژێ دا هەرفتین ل …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *