سەرەتا / به‌شێن مالپه‌ری / نوچه‌ / ئەنجومەنێ بلندێ مامۆستایێن یەكگرتوو پەیامەك بەڵاڤكرییە وهۆشیاریێ ددەت

ئەنجومەنێ بلندێ مامۆستایێن یەكگرتوو پەیامەك بەڵاڤكرییە وهۆشیاریێ ددەت

ئەنجومەنێ بلندێ مامۆستایێن یەكگرتوو پەیامەك بەڵاڤكرییە و هۆشیاریێ ددەت.

(بناڤێ خودێ مەزن و دلوڤان)

بەڕێزان/ مامۆستایێن پەیامدارێن كوردستانێ .. دەیكوبابێن خۆشتڤی.. پەرلەمانتارێن دلسۆزێن كوردستانێ .. دلسۆزێن پەروەردەو فێركرنێ .. (سڵاڤێن خودایێ مەزن ل هەوە بن) ..
وەك هەمی لایەك ئاگەهدارن كو دەمێ چەندین ساڵانە حكومەتا هەرێما كوردستانێ ب شێواز و پێنگاڤێن جودا جودا كار لسەر بێ سەروبەركرنا خواندن و لاوازكرنا پەروەردەیێ دكەن و، چ نەمایە دێ نڤشەك پێگەهیت كو یێ لاوازە ژ گەلەك بوهایێن پەروەردەیی و، ئەنجام و ڕەوشتێن جوانێن مرۆڤایەتی.

د نویترین پێنگاڤ ژیدا حكومەتێ پرۆژەیاسایا وەزارەتا پەروەردەیێ ئامادەكرییە بۆ پەرلەمانێ كوردستانێ، كو تێدا ب ڕوونی گۆڕانكاری كرییە ل وانەیا (پەروەردەیا ئیسلامی)و، وەك وانەیەكا لاوەكی ئاماژە پێدایە، دگەل گۆڕانكاری د ناڤەرۆكێ دا بۆ ( پەروەردەیا ئایینی)، هەروەسا ڕێخۆشكرن كرییە بۆ گۆڕانكاریێ د پرۆگرامێ وانەیێ دا، كو دیار نینە ب چ ئاراستەیەكیدا دبەت، ئەڤە ژی پێنگاڤەكا مەترسیدار یا دویر مەودایە بۆ خالا ڤەكرنا كۆمەڵگەهێ ژ وان بوها و ڕەوشتێن جوان و بلند كو چەندین نڤشە تاكێن كۆمەڵگەهی ژ پەیاما پیرۆزا ئیسلامێ وەرگرتییە، لێ ئێدی دڤێت نڤشێن داهاتی ژ وێ پەیاما جوان دویر بكەڤن، وەك دبینن چەوا پەنا بۆ كوشتنا كەسایەتییان و، سەرخۆشكرن ب ماددەیێن هۆشبەر و نەریتێن نەخواستی یێن دی دبەن.

ئەم ل مامۆستایێن یەكگرتوو، زێدەباری دژایەتیا مە یا تمام بۆ ئەو پێكول و ڕێكێن خەلەت یێن حكومەتا هەرێمێ و وەزارەتا پەروەردەیێ، داخازێ ژ سەرجەم مامۆستایان ب گشتی و، كۆمەڵگەها پەروەردەكری و ڕەوشت بلندێن كوردستانا مە دكەین، كو نابیت ڕێكێ بدەن وەسا پێكولەك سەربگریت و، پرۆگرامێ قوتابیێن مە د قۆناغێن خواندنێدا بێبەش بكەن ژ پەروەردەیا ئیسلامی و بوهایێن جوانێن ئیسلامێ.

هەروەكو ڕێزێ ل سەرجەم ئاینێن دی د گرین و وەكو د بووریدا بەردەوام كرییە، پێدڤییە ئایینێ خۆ دگەل پرۆگرامێن خۆ دا بخوینن و، فشار لسەر چ لایەكی دروست نەكەن بۆ خواندن و پەروەدەیا ئاینێن دی، ئەڤە ژی ئەو پەیاما پەروەردەییە كو كەسایەتیێن مەزن و تاكێن پڕ ژ بوها جوانێن كۆمەڵگەهێ لسەر پەروەردەیێ كرییە.

هیڤیدارین پەرلەمانێ كوردستانێ بەرپرسیارانە تر ل هەمبەر تاكێن كۆمەڵگەهێدا بێنە بەرسڤێ و دەنگ بۆ پرۆژەیەكێ وەسا، هەروەسا وەزارەتا پەروەردێ ژی پێداچوونێ بكەت و پرۆژەی بڤەگەڕینیت بۆ هەمی ئەو بڕگەو بابەتێن جهێ سەرنج و گەنگەشەیا مەزنن لدەف دلسۆزان.. سەركەفتی بیت ئیرادەیا پەروەردەو فێركرنا دروست و، پاراستنا كۆمەڵگەهێ مە ژ بوها و نەریتێن نەخواستی.

ئەنجومەنێ بلندێ مامۆستایێن یەكگرتوو
٢٨/٦/٢٠٢٢

 

دەربارە ف.ع

Check Also

لدیڤ داتایێن بازاڕێ جیهانیێ بهایێ پەتڕۆلێ ئه‌ڤرو داكه‌ڤت

وه‌زاره‌تا ئابووریا روسیا راگه‌هاند، هنارتنا په‌ترۆلا وه‌لاتێ وان زێده‌كریه‌ و بویه‌ ئه‌گه‌ر بهایێ په‌ترۆلێ ئه‌ڤرۆ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *