سەرەتا / به‌شێن مالپه‌ری / نوچه‌ / د 3 حەفتیان دا پتری هزار ئێزدییان کۆچبەری دەرڤەی وەلاتی بووینە

د 3 حەفتیان دا پتری هزار ئێزدییان کۆچبەری دەرڤەی وەلاتی بووینە

رێکخراوەکا دهۆكێ دیفچوونا كۆچبه‌ربوونا گه‌نجێن ئێزدیان بۆ ده‌رڤه‌ى وه‌لاتى کریە و سەرۆکێ رێکخراوێ دبێژیت؛ ب تنێ د سێ حەفتیان دا پتری هزار کەسان کۆچبەربووینە.

شێرزاد محەمەد، سەرۆکێ رێکخراوا ئەلند بۆ دیمۆکراسیکرنا گەنجان بۆ گاڤ راگه‌هاند؛ رێکخراوا وان و هژمارەکا دی یا سازیان یێ دیفچوونا ڤێ پرسێ دکەن و تنێ د سێ حەفتیان دا 1273 کەس ب رێکێن قەچاخ ژ تورکیا دەربازی وەلاتێن ئەورۆپی بووینە.

سەرۆکێ رێکخراوا ئەلند دیارکر ژی؛ 85٪ ێ ژ ئەوان کەسێن کۆچبەربووین ئێزدیێن ناڤ کەمپانە و گۆت: پترینا ڤێ ژمارێ ژ ناڤ کەمپا شاریا پاشی کەبەرتۆ و پاشی چەم مشکۆنە.

ئێزدیێن دچنە دەرڤەی وەلاتی ل گۆرەی دیفچوونا رێکخراوێ خێزان و گەنجن و ل دەستپێکێ ڤیزێن تورکیا وەردگرن و پاشی ل وی وەلاتی رێکێن قەچاخ دگرنە بەر هەتا دگەهنە وەلاتێن ئەورۆپی.

دەما هەشت سالانە ب هزاران ئێزدیێن شنگالێ ئاوارەی پارێزگەها دهۆکێ ببوون و ل کەمپان هاتینە بنەجهکرن و هیڤیێن ڤەگەڕیانێ ژبەر هەبوونا هێزێن چەکدار یێ کێم دبن و ل گۆرەی گۆتنا بەرپرسێ رێکخراوێ ئەڤ پێلا نوی یا کۆچبەریێ دەمەکە دەستپێکری و یا بەردەوامەژی.

 

دەربارە ف.ع

Check Also

لدیڤ داتایێن بازاڕێ جیهانیێ بهایێ پەتڕۆلێ هەڤبەر ب دوهی بهایێ وێ جێگرە

لدیڤ داتایێن بازاڕێ جیهانیێ پەتڕۆلێ، بهایێ ئێک بەرمیلا پەتڕۆلا خاڤا برێنت ب ٨٥ دۆلار ١٤ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *