سەرەتا / به‌شێن مالپه‌ری / نوچه‌ / هەژمارا كەسێن ب ئەگەرێ لەهیا حەفتییا ڕابووری ل ئەڤغانستانێ گیانێ خۆ ژ دەستدایی گەهشتنە 90 كەسان

هەژمارا كەسێن ب ئەگەرێ لەهیا حەفتییا ڕابووری ل ئەڤغانستانێ گیانێ خۆ ژ دەستدایی گەهشتنە 90 كەسان

د دەمێ حەفتییا ڕابووریدا، ژ ئەگەرێ ئەو کارەساتێن لەهیێ کو ل ویلایەتێن ڕۆژهەڵاتا ئەفغانستانێ ڕوویدایە، بكێمی ٩٠ کەسان گیانێ خۆ ژ دەستدایە.

پەیڤدارێ وەزارەتا دەولەتێ بۆ بڕێڤەبرنا کارەساتان ل حکومەتا دەمكی یا سەر ب تاڵیبانێ، محەمەد نەسیم حەققانی د به‌یاننامه‌یه‌كێدا ئاشکرا کر حەفتییا ڕابووری، لەهیەكا بهێز و کارتێكەر ل شەش ویلایەتێن ڕۆژهەڵاتا ئەفغانستانێ ڕوویدایە.

محەمەد نەسیم حەققانی ئاماژە ب وێ یەكێ كرییە، بارانباراینێن کارتێكەر ل ویلایەتێن نانگەرهار، پاکتیا، خۆست، لۆگار، مەیدان وەردەک و پەرڤان زیانێن گیانێ لێکەتینە و ڕاگەهاند کو بكێمی ٩٠ کەسان ژ ئەگەرێ ئەوێ لەهیێ کو ل حەفتییا ڕابووریدا ڕوویدایە گیانێ خۆ ژ دەستدا و ژمارەیەکا زوور دی ژی برینداربوون.

محەمەد نەسیم حەققانی ڕاگەهاند ژی کو هاریكارییا خوارنێ و خیڤەت بۆ زیانڤێكەتیێن کارەساتێ دابین کرینە.

د بەرامبەردا، قوربانیێن لەهیێ ئاماژە ب وێ یەكێ ژی كرییە كو ئەو هاریكاری کو بەحس ژێ دكەن بەس نینن.

حەققانی هەروەسا ئەو یەك ژی ئاشکرا کر کو ژ ئەگەرێ لەهیێ زیان ب سه‌دان خانی و بهزاران دۆنم عەردێ كشتوكاڵی ژی كەتییە.

لگورەی داتایێن وەزارەتا دەولەتێ بۆ بڕێڤەبرنا کارەساتان ل حکومەتا دەمكی یا سەر ب تاڵیبان ڤە ل چوار هەیڤێن ڕابووریدا ل سەرانسەری وەڵاتی زێدەتر ژ ٢٠٠ کەسان ژ ئەگەرێ لەهیێ گیانێ خۆ ژ دەستداینە.

دەربارە ف.ع

Check Also

لدیڤ داتایێن بازاڕێ جیهانیێ بهایێ پەتڕۆلێ هەڤبەر ب دوهی بهایێ وێ جێگرە

لدیڤ داتایێن بازاڕێ جیهانیێ پەتڕۆلێ، بهایێ ئێک بەرمیلا پەتڕۆلا خاڤا برێنت ب ٨٥ دۆلار ١٤ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *