سەرەتا / به‌شێن مالپه‌ری / نوچه‌ / ل ده‌ڤ یه‌كگرتوو گرنگه‌ كێشه‌ بۆ كوردستانێ دروست نه‌بن

ل ده‌ڤ یه‌كگرتوو گرنگه‌ كێشه‌ بۆ كوردستانێ دروست نه‌بن

به‌ریا نیڤرویا ئه‌ڤرو ئێك شه‌مبی 30/10/2022 به‌رێز ماموستا سه‌لاحه‌دین موحه‌مه‌د به‌هائه‌دین ئه‌میندارێ گشتیێ یه‌كگرتوویا ئیسلامییا كوردستانێ ب به‌رهه‌ڤبوونا ژماره‌یه‌ك ژ ئه‌ندامێن ئه‌نجومه‌نێ جێبه‌جێكرنێ، پێشوازیی ل شانده‌كێ تیما پارتی دیموكراتی كوردستان د حكومه‌تا هه‌رێمێ دا كر.

د وێ دیدارێ دا، دانوستاندن ده‌رباره‌یی ره‌وشا سیاسی یا عیراقێ و هه‌رێمێ و ناوچێ هاته‌كرن و دووپاتی ل سه‌ر وێ چه‌ندێ هاته‌ كرن كو لایه‌نێن سیاسی ژ پێخه‌مه‌ت به‌رژه‌وه‌ندیا خه‌لك و ئاخا هه‌رێمێ، ناكوكیێن خوه‌ بده‌نه‌ ره‌خه‌كێ و چاكسازی و خزمه‌تگوزاریان پێشكێشبكه‌ن، و دووبه‌ره‌كی و ناكوكیا لایه‌نێن ده‌سهه‌لاتێ خزمه‌تێ بۆ ئه‌زموونا هه‌رێمێ ناكه‌ت و دڤێت ب به‌رپرسیاره‌تی سه‌ره‌ده‌ری دگه‌ل ره‌وشێ بهێته‌كرن.

ژ لایه‌كێ دی ڤه‌، ده‌رباره‌یی هاتنا شاندێ پارتی، ماموستا خه‌لیل ئیبراهیم په‌یڤدارێ یه‌كگرتوویا ئیسلامی یا كوردستانێ كونگره‌یه‌كێ روژنامه‌ڤانی ئه‌نجامدا.

په‌یڤدارێ یه‌كگرتوو د كۆنگره‌یێ خوه‌ یێ روژنامه‌ڤانی دا راگه‌هاند: مه‌ د گه‌ل پارتی ره‌وشا هه‌رێمێ گه‌نگه‌شه‌كر و ل ده‌ڤ یه‌كگرتوو گرنگه‌ كێشه‌ بۆ كوردستانێ دروست نه‌بن.

دیسان ئاماژه‌ ب وێ چه‌ندێ ژی كر: نابیت زێده‌تر رێكێ ب ده‌رزێن دناڤبه‌را لایه‌نێن كوردستانێ بده‌ین و پێدڤیه‌ ب لۆژیك و شاره‌زایی بریاران ده‌رباره‌یی كوردستانێ بده‌ین.

په‌یڤدارێ یه‌كگرتوو راگه‌هاند: هه‌رێما كوردستانێ زێده‌تر خوه‌ ل به‌ر كێشه‌یێن زێده‌تر ناگریت و ئه‌گه‌ر لایه‌نان ئیراده‌ هه‌بیت، كێشه‌ دێ هێنه‌ چاره‌سه‌ركرن.

دەربارە م.ع

Check Also

سەرۆککومارێ تورکیا: ل هەیڤا بهێت دێ دەست ب ئاڤاکرنا ٣٠ هزار مالان کەین

رەجەب تەیب ئەردوغان، سەرۆککومارێ ترکیا د داخویانییەکێ دا دیارکر ئاڤاهیێن د ئەردهەژێ دا هەرفتین ل …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *