سەرەتا / به‌شێن مالپه‌ری / نوچه‌ / داهاتێ نه‌فتا عیراقێ ب رێژه‌یا 70% زێده‌كریه‌

داهاتێ نه‌فتا عیراقێ ب رێژه‌یا 70% زێده‌كریه‌

كۆمپانیا ب بازاركرنا نه‌فتا عیراقێ (سۆمۆ) راگه‌هاند: داهاتێ نه‌فتا فرۆشتی یا 9 هه‌یڤێن بووری یا عیراقێ 90 ملیار و ٣٨٨ ملیۆن و ٧٦٨ هزار و ٣٣٦ دۆلاربوویه‌، دبێژیت ژی: هه‌یڤانه‌ د ئه‌ڤ ساله‌ دا ب بهایێ زێده‌تر ژ 10 ملیار دۆلاران نه‌فت هاتیه‌ فرۆتن.

 

ئه‌ڤرو دووشه‌مبی، كۆمپانیا سۆمۆ د نویترین ئامارا خوه‌ دا ئاشكه‌راكر، ب به‌راورد دگه‌ل سالا 2021ێ داهاتێ نه‌فتا فرۆشتی ب رێژه‌یا 70.6% زێده‌كریه‌.

 

ئاماژه‌ ب وێ چه‌ندێ ژی كریه‌، د سالا 2021ێ دا داهاتێ نه‌فتێ 52 ملیار و 981 ملیۆن و 515 هزار و 830 دۆلار بوو و د هه‌ر هه‌یڤه‌كێ دا عیراقێ ب بهایێ 5 ملیار و 886 ملیۆن و 515 هزار و 830 دۆلاران نه‌فت فروتیه‌.

 

ئامارا سۆمۆ ئه‌و چه‌نده‌ ژی ئاشكه‌را كریه‌، د هه‌یڤا ئه‌یارا ئه‌ڤ ساله‌ دا بلندترین داهاتێ نه‌فتێ هاتیه‌ تۆماركرن، ب شێوه‌یه‌كێ، ب بهایێ 11 ملیار و 477 ملیۆن و 514 هزار دۆلاران نه‌فت هاتیه‌ فرۆشتن.

ئه‌ڤه‌ د ده‌مه‌كێ دا یه‌، ژ ئه‌گه‌رێ وێ چه‌ندێ كو عیراق ئێكه‌ ژ وه‌لاتێن به‌رهه‌مئینه‌رێن نه‌فتێ، د یاسایا بودجه‌ی دا 96% پشتبه‌ستنێ ب داهاتێ نه‌فتێ دكه‌ت.

دەربارە م.ع

Check Also

سەرۆککومارێ تورکیا: ل هەیڤا بهێت دێ دەست ب ئاڤاکرنا ٣٠ هزار مالان کەین

رەجەب تەیب ئەردوغان، سەرۆککومارێ ترکیا د داخویانییەکێ دا دیارکر ئاڤاهیێن د ئەردهەژێ دا هەرفتین ل …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *