مالپه‌رێ خابير مالپه‌ره‌كێ سه‌ربه‌خو یێ هه‌مه‌ره‌نگه
Related Articles
مەزنترین هزر بشێت عەقلی تووشی شوکەکا بێ سنور بکت، هزرا مرنێ یە، هزر بکە جارەکێ رۆژ ب هەڵت و باب، برا،دەیک، هەڤژین و دبت تو د هەبوونێ دا نەمینی.
هێزا ڤێ هزرێ هند مەزنە دشێت مەزنترین مولحدێن جیهانێ ب ڤەلەرزینت، و هەر ژبەر هندێ هاتیە گوتن: د چەپەر وخەندەکێن شەری دا چ مولحد نینن، و ئیلحادا وان نەشێت بەرسنگا هێزا هزرا مرنێ یا ل پێشچاڤ دبینن ب راوەستت.
چونکی ئیدراکا مرۆڤی بۆ مرنێ بتنێ ئێک پێنگاڤە، نەچارد دکت هەمی حساباتێن بەری هینگێ ئەنجامدان دوبارە بکتڤە.
هوزانڤانێ مسری یێ مولحد (امل دنقل) دەمێ بەرەڤ ژوورا نەشتەرگەریێ دهاتە برن و گوتنە وی (نەشتەرگەریمەترسیدار و مەزنە، و دبت ب ساخی ژێ دەرنەکەڤت)، هەڤژینا وی لگەل بی دەمێ پەیڤێن شەهادەتێ دگوت گرت، هەڤژیناوی کەنی و گوتێ: من تو گرتی تو یێ باوەریێ دئینی!؟
گوت: ئەز نزانم.. ئەز دترسم ب ساخی دەرنەکەڤم!!
بتنێ مرنە دشێت دفن بلندییم و هێز و مەزناهییا مرۆڤی ژناڤ ببت و بکەڤت سەر چوکان و سەرێ خوە لبەر شور بکت.
هەروەسا تشتێ ئێکانە یێ هێزێ ددت مرۆڤی بەرانبەری ڤێ هزرا ب تڕس و هەیبەت، باوەرییا وی یە ب هەبینا ژیانەکێپشتی مرنێ، ئەگەر نە چ تشت د ڤێ ژیانێ و د ڤی ئەردی دا نەشێن عەقلی بەرانبەری مرنێ هێمن بکن و تڕسا وی بڤەرەڤینن.
ئەگەر مرۆڤ باوەریێ ب ژیانا ئاخرەتێ نەئینت، چ تشت نەشێن ئازارێن ڤێ مرنێ ژ عەقل و مێشکێ وی بینن دەر ژێرحەت ببت، ئەگەر چەند د خوەشی و ژیانەکا بێ ئاریشە و سەرگێژی دا ببورت، ئەو د چەند خوەشیەکا مەزن دا بت، هەردەمێ هزرا مرنت هاتە سەری، دێ ئەو خوەشی ل دەڤ وی بۆ تاما ریلێ هێنە ڤەگوهاستن.
