سەرەتا / به‌شێن مالپه‌ری / زانست و تەکنولوژیا / فه‌یسبوك ب مه‌ره‌م پاترییا ته‌له‌فونێ لاواز دكت

فه‌یسبوك ب مه‌ره‌م پاترییا ته‌له‌فونێ لاواز دكت

د چاڤپێكه‌فتنه‌كێ دا لگه‌ل رۆژنامه‌یا نیویورك تایمز یا ئه‌مریكی، زانایێ داتایان یێ به‌رێ ل فه‌یسبوكی، جورج هایوردی ئاشكراكر كو كومپانییا (مێتا) فه‌یسبوك یا به‌رێ پالدانا وی كر لسه‌ر ئه‌نجامدانا پرۆگرامسازییا لاوازكرنا بكارهێنه‌رێن فه‌یسبوكی، به‌لێ وی ره‌تكر و هه‌ر ژبه‌ر هندێ ژی ژ كومپانیێ هاته‌ ده‌رئێخستن.

هایورد د سكالا خوه‌ دا ل دادگه‌ها مانهاتن یا فیدرالی گوت، ئه‌و ژ كومپانیێ هاته‌ ده‌رئێخستن پشتی ره‌تكری “تاقیكرنا نه‌رێنی” ئه‌نجام بدت، كو ژ لایێ كومپانیێ ڤه‌ دهێته‌ ئه‌نجامدان بۆ ئاشكراكرنا سنورێن ئامیره‌یێن بكارهێنه‌ران.

د حاله‌تێ فه‌یسبوك مێسنجه‌ری دا، كومپانیێ تاقیكرن ئه‌نجامدان لسه‌ر زانینا ئاستێ قه‌بارێ داتایان یێ  ته‌له‌فونێن بكارهێنه‌ران دشێن مامه‌لێ لگه‌ل بكن، و ئه‌ڤ چه‌نده‌ ژى دبته‌ ئه‌گه‌ر پاتریێن ته‌له‌فونان لاواز ببن.

ناڤهاتی ڤه‌گوهاست و گوت: “من گوت رێڤه‌به‌رێ: ئه‌و چه‌نده‌ دێ زیانێ ب ئێكێ یان كه‌سه‌كێ گه‌هینت، به‌لێ به‌رسڤا وان ئه‌ڤه‌ بی: ب رێكا زیان گه‌هاندنا پچه‌كێ مفایی گه‌هینینه‌ گه‌له‌كێ”، ئاشكراكر ژی: “ئه‌ركێ هه‌ر زانایه‌كێ داتایانه‌ سوزا زیان پێ نه‌گه‌هاندنا خه‌لكێ بدت”.

ل به‌رانبه‌ر دا به‌رده‌ڤكێ كومپانیا مێتا ئه‌ڤ نوچه‌یه‌ ره‌تكرن، و گوت: “گوتنێن به‌رێز هایوردی د بێ بنه‌مانه‌”.

Check Also

نیشانێن ئالوده‌بینا ته‌له‌فونێ:

1- هه‌ستكرن ب قه‌له‌ق و نه‌خوه‌شییا دژوار ل ده‌مێ ژبیركرنا ته‌له‌فونێ یان دائێخستنا وێ ب …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *