مالپه‌رێ خابير مالپه‌ره‌كێ سه‌ربه‌خو یێ هه‌مه‌ره‌نگه
Related Articles
ڤه‌كولینه‌كا نوی یا د كوربه‌ندێ”بێری هَلپ بێنێفتس” (Berry Health Benefits Symposium) ل ئه‌مریكا هاتیه به‌لاڤكرن، به‌لگه‌یێن زێده‌تر لسه‌ر مفایێن ساخله‌می یێن فراوله‌یان پێشكێشكرن.
كوربه‌ند ل تامبا ل فلوریدا هاته لدارخستن، و تێدا ڤه‌كولینێ ژماره‌یه‌كا به‌لگه‌یان لسه‌ر رۆلێ فراوله د ساخله‌مییا مرۆڤی دا دگێرت پێشكێشكرن.
تاقیكرنێ 33 پێگه‌هشتیێن تووشی قه‌له‌وییا زێده بووین ب خوه‌ڤه گرتن، و د ئه‌نجامان دا هاته ئاشكراكرن كو رۆژانه خارنا دوو گلاس و نیڤێن فراوله‌یان باشتربینه‌كا مه‌زن د به‌رسنگگرتنا ئینسولینێ و گه‌ردیله‌یێن پرۆتینی یێن دوهنێ چر (HDL) “كولیسترۆلا باش” په‌یداكر.
به‌سنگگرتنا ئینسولینێ (Insulin Resistance) په‌یدادبت ده‌مێ خانه د زه‌ڤله‌كان و دوهن و مێلاكی دا ب باشی به‌رسڤا ئینسولینێ نادن، و نه‌شێن ب سانه‌هی گلوكوزێ ژ خوینێ ب مێژن، ژ ئه‌نجامێ ڤێ چه‌ندێ په‌نكریاس ئینسولینا زێده‌تر به‌رهه‌م دئینت داكو هاریكارییا گلوكوزێ بكت بچته دناڤ خانه‌یان دا.
ب بورینا ده‌می، به‌رسنگگرتنا ئینسولینێ یا دومدرێژ ده‌سپێكێن تووشبینا ب شه‌كرێ په‌یدادكت و پاشی نه‌خوه‌شییا شه‌كرێ ژ جورێ دووێ.
ڤه‌كوله‌رێ سه‌ره‌كی د.ئه‌ربیتا باس گوت ئه‌ڤ ئه‌نجامه پێداگریێ ل رۆلێ فراوله‌یان د پاراستنا نه‌خوه‌شییا شه‌كرێ ژ جورێ دووێ و نه‌خوه‌شیێن دلی و مولوله‌یێن خوینێ دا دكن.
