مالپه‌رێ خابير مالپه‌ره‌كێ سه‌ربه‌خو یێ هه‌مه‌ره‌نگه
Related Articles
سعد محمد حسن
- ل (14 تشرينا دووێ 1944ز) ل (ئينگلتەرا) دخێزانەکا ژ نفشێ خوە (ئيرلەندى) ژدایکبوویە.
– ل سالا (1962 تا 1969ز) بوویە ئەندانا کومەلا خواندنێن یەسوعى، و وەکو راهیبەیەکا کاثولیکى دگەل وان کاردکر.
– ژلايێ وێ کومەلێ ڤە دئێتە ڤرێکرن بۆ کولیژا (سانت ئان) ل زانكويا (ئكسفورد) بۆ خواندنا ئەدەبیاتێن ئینگليزى.
– دویڤرا و پشتى (حەفت) سالان دەستبەردارى دێرێ و راهبیێ دبت، و شەیدایێ صوفیگەریا مەسیحى ببوو.
– ل سالا (1984ز) کارکرییە پێخەمەت بەرهەمئینانا زنجیرەیەکا فلمێن تایبەت ل دور ژیان و کارێن قدیس (سان باولو)، و دبێژت پێرابوونا ب ڤان فلمان ئەز پالدام لێگەریانێ سەرژنوى بکەم بۆ ئایینێن ئەسمانى، و ب وێ چەندێ من ژ نێزیک (ئیسلام و مەسیحییەت و یەهودییەت) خواندن.
– باوەرناما دکتورایێ ب بیاڤێ (فەلسەفێ) وەرگرتییە.
– ئەنداما کومەلا شاهانە یا ئەدەبیاتان بوو.
– خەلاتێ (میرژنا ئستوریاس) د زانستێن کومەلایەتیدا پێ هاتییە دان.
– نڤیسەرا کومەکا پەرتووکایە د بابەتێ بەراووردیا ئایینان و بەرەڤانیکرنێ ژ ئیسلامێ.
– د ديدارەکێدا ب توندى رەدا (پاپا بنيديكت) و دبێژتێ: [ئەم زێدەتر نەشێن خوەبگرین ل سەر ڤێ هشکییا کەڤن دەربارەى دژاتیا ئیسلامێ].
* ژ نڤیسینێن (کارێن ئارمسترونگێ):
– پەرتووکا: (محمد: سيرة النبي)
ئەڤ پەرتووکە بەراووردییەکە دناڤبەرا ئاییناندا، و کورتییەکە ل دور ژیانا پێغەمبەرى (سلاڤ لێ بن)، و بەحسێ هەلویستێن وەلاتێن رۆژئاڤاى دکت و کارتێکرنا وێ ل سەر دەروونێ موسلمانان.
– (الإسلام: تاريخ موجز)
– تێدا دبێژت: [رۆژئاڤا لایەنگر بوویە ل دژى ئیسلامێ هەر ژ چەنگێن خاچپەرێسیێ و تا نوکە].
– پەرتووکا: (محمد: نبي لزماننا)
– ژناڤدارترین پەرتوکێن کارێن ئارمسترونگێ (محمد: نبي لزماننا)، ل سالا (2006ز) چاپکرییە، تێدا بەحسێ ژیانناما پێغەمبەرى دکت (سلاڤ لێ بن) و ژ ئەگەرێ جوان نڤیسینا وێ (خەلاتێ جڤاتا کاروبارێن گشتیێن ئیسلامى) پێ هاتییە دان، و تێدا دیار دکت کو موحەممەد (سلاڤ لێ بن) مرۆڤەکێ (جاکخواز و سیاسی و کومەلایەتى و زاهد و حەکیم) بوو.
ئەڤ پەرتووکە نڤیسییە وەک رەدکرن بۆ رویدانێن یازدەى سبتێمبەرێ، و وێنەیێن کرێت یێن دەربارەى پیرۆزیێن ئیسلامێ هاتینە بەلاڤکرن.
* پشتى (كارێن ئارمسترونگ) ئایینێ ئیسلامێ ژ نێزیک خواندى، دبێژت:
– [من ئیسلامەکا جودا دیت ژ وێ ئیسلاما راگەهاندنا رۆژئاڤاى بەحس دکت… بۆ نموونە من نەدیت ئیسلامێ دژاتییا چ ئایینەکێ ئەسمانى کرییە، و ب هیچ رەنگەکێ داخواز نەکرییە کەرب و کین ل دژى جوهییان بێتە کرن بەلکو بەروڤاژى وێ چەندێ قورئانێ داخواز کرییە موسلمان دانپێدانێ ب ئایینێن ئەسمانیێن بورى بکن، و جوان رەفتارێ دگەل دویڤچوویێن ئایینێن ئەسمانى بکن، ته‌مام بەروڤاژى بەرێخوەدانا مە بۆ وان].
– [من موحەممەد پێغەمبەر (سلاڤ لێ بن) دیت خودان کەساتییەکا بێ هەڤوێنە، ئەوى وانەیێن گرنک هەیین نە ب تنێ بۆ موسلمانان بەلکو بۆ هەمى جیهانێ، ژیانا وى هەمى جیهاد بوو نە ب واتەیا شەرى بەلکو ب واتەیا تێکوشان و خەباتێ، خزمەتەکا نموونەیى پێشکێشکر پێخەمەت ئاشتەواییا مللەتەکێ پەلاتە و هەڤدژى ئێک، لەوا مە دڤێت ئەڤرو هندەک هەبن بەرهەڤ بن چاڤلێکرنێ بۆ بکەن، ژیانا وى هەوەک بوو دژى زوردارى و تێکدانێ، ئەوى ب داهێنانەکا جوان چارەسەریێن نموونەیى و گاڤ دانان بۆ هەمى ئاریشێن وى سەردەمى، ئەڤ چەندە بوو ئەگەر ئەز پالدایم دەست ب نڤیسینێ بکەم دەربارەى ڕاستیێن ئیسلامێ و قوئانێ و پێغەمبەرى ئەوێن گەلەک ستەمبووى ژلایێ راگەهاندنا رۆژئاڤاى ڤە].
– [موحەممەد (سلاڤ لێ بن) رازى نەدبوو ب رەفتارکرنا سەرڤەییا کاران بۆ پرۆژەیێن کومەلایەتى، بیروباوەرێن وى ئەوبوون کو بێى گوهۆرینا نەفسێ چ پرۆژەیەک سەرکەفتى نابت]، (پ: محمد نبي لزماننا، ل: 58).
– [رێ ب مە بدەن ئەم دانپێدانێ بکەن کو هەمى تشتەک دیدەڤانە کو موسلمان بۆ دەمەکێ خەمساربووینە ژ پێناسەکرنا جیهانێ ب پەیاما پێغەمبەرى (سلاڤ لێ بن) ئەوێ کو خوداى ڤرێکرى مزگینەر و هشیارکەر و دلوڤانى بۆ هەمى جیهانان، موسلمان چرمسینە دناڤ سنورێن خوەدا، ب تنێ موژیلى پەرستنێ بووینە، و خوە دئێشینن دەمێ نەزانین و شاشیێن رۆژئاڤاى گوهلێ دبن دەربارەى ئایینێ خوە، بۆ خوە دکەنە گرى و ب خوە دبێژن و خوە دئێشینن دەمێ دبینن هندەک کێمکرنێ ب پەرتووک و پێغەمبەرێ وان دکەن، مفا بۆ خوە نە وەرگرتینە ژ زانایێن ڕاستبێژێن رۆژئاڤاى ئەوێن دانپێدان ب ڕاستییا ئایین و پێغەمبەرێ وان یێ پیرۆز کرین، ژبیرکرینە کو پێشێن وان مەزنترین شارستانییەت ئاڤاکرینە ل وى دەمێ ئەو رژد بۆ زانینێ و مفا وەرگرتنێ ژ فێرخوازان، مخابن ئەڤرو ئەو هەر تشتەکێ خوە ژ رۆژئاڤاى وەردگرن… ].
– [قورئانا پیرۆز بەردەوام هاندانا موسلمانان دکەت ئەو صەبرکێش بن، و خوەراگر بن و بەرانبەر هەر ئاستەنگەکێ بهێز و ب روممەت بن، ئەو بەرێ وان ددەتە هندێ کو ل چ دەلیڤەیان نەگرن بۆ تولڤەکرنا کەسوکى ژ نەیاران]، (سيرة النبي محمد، ص19).
– [دکتورا کارێن ئارمسترونگ شیرەتێ ل حكومەتێن ئەوروپى و ئەمريكى دکت، کو دەست ب دانوستاندنەکا بلەز بکن دگەل موسلمانان پێخەمەت تێگەهشتنا راستەقینە بۆ ئیسلامێ و دویر ژ وێ یا راگەهاندنا رۆژئاڤاى پێشکێش دکەت ژ وێنەیەکێ کرێت بۆ ڤى ئایینێ مەزن، و بەرپرساتییا موسلمانایە ئەو ڤى ئایینێ مەزن ب جوانى بۆ جیهانێ دیار بکەن ب کاروکریار نە ب تنێ ب گۆتن].
– [دویر ژ هندێ کو موحەممەد مەزنێ جیهادێ بوو، بەلکو ئەو چێکەرێ ئاشتیێ بوو، ژیانا خوە ئێخستە د مەترسیێدا و لایەنگێرییا نێزیکترین هەڤالێن خوە ژدەست دا چونکو ئەو رژدبوو ل سەر بنەجهکرنا ئاشتیێ دگەل مەکەهێ].
– [رۆژئاڤا پێغەمبەرى (سلاڤ لێ بن) وەسف دکەن ب سەرکردەیەکێ لەشکەرى و چەکهەلگر بۆ فەرزکرنا ئیسلامێ ل سەر خەلکێ، بەلێ دراستیدا ب ته‌مامى بەروڤاژى ڤێ چەندێ یە، رامانا ته‌مام یا پەیڤا (جیهاد) نە (شەرێ پیرۆزە)، بەلکو ڕامانا جیهادێ ئانکو تێکوشینا بەدەنى و رەوشتى و روحى و فکرى].
